يعني ايه Post Production ؟
بعد ما بنخرَّج شغلنا ونعمله ريندر (Render) في اي برنامج ثري دي زي الماكس او السكتش اب او حتى الريفيت مش بيكون دا المنتج النهائي … بنحتاج شوية تعديل وتحسين في الصور اللي بتطلع منهم زي مثلا اننا نضيف ليها بعض العناصر زي الأشخاص والشجر واللي بتبقي اضافتهم بالفوتوشوب اسهل واخف كتير من أننا نعملهم مودلينج في برامج الثري دي وده اسمه 3D Composition سواء للمناظير الداخلية او الخارجية.
بعد ما بنخلص الـ 3D Composition بنحتاج نخلي الصورة النهائية الوانها متناسقة واضائتها واحدة لان احنا مركبين كذا صورة مع بعض علشان كدة بنعمل تصحيح لـ ألوان الصورة النهائية باستخدام الفوتوشوب المعماري وده بنسميه Color Correction.
هنتعلم في ورشة Interior Composition من خطوة اونلاين معنى الـ Post Production او مرحلة ما بعد الانتاج بشكل عام بعد كدة هنركز على المنظور الداخلي ونتعلم ازاي نضيف ليه عناصر جديدة مكانتش موجودة في الثري دي زي الاشخاص بشكل مظبوط ومقياس رسم مناسب يخليك متحسش ان فيه حاجة غلط في الصورة او ان النسب بتاعتها مش متظبطة وفي النهاية هتحس كانهم طالعين مع بعض في نفس الريندر 😉
الورشة بتتكون من 5 فيديوهات في البداية هنشوف مقدمة بسيطة عن الـ Post Production ومعناه بعد كدة هنتعلم ازاي نستنتج نقطة الهروب في المنظور الداخلي (Vanishing Point) عن طريق رسم خطوط مساعدة فوق الصورة نفسها وتقاطعها هيكون هو نقطة الهروب
بعدين هنتعلم ازاي نحدد مقياس رسم للمنظور نفسه (Scale Bar) علشان نقدر نضيف الأشخاص بمقاس مظبوط وده هنستنتجه من خلال عناصر في الصورة ابعادها معروفة زي الابواب
بعد ما اتعلمنا كل اللي فات هنبتدي نطبق عليه بشكل دقيق جدا .. هنعرف ازاي نضيف الاشخاص في اي مكان في الصورة ويكون حجمها طبيعي ومتناسب مع المنظور ودا من خلال رسم مستويات مختلفة بتعتبر عن ارتفاع الشخص في كل مكان في عمق الصورة .
كل ده هنتعلمه في ورشة الـ 3D Composition المجانية من خطوة اونلاين مع المحاضر احمد نصر 🙂
شكرا جميل اوي