قدرتك على إدارة وقتك ، زي أي ممارسة أخرى في حياتك المهنية ، هتحدد نجاحك أو فشلك. 

تفتكروا ايه هي الموارد الاساسية في حياتنا؟ الصحة الفلوس العلاقات العلم الثقافة حاجات كتير

بس أهمها الوقت 

الوقت هو أكثر الأصول والموارد أهمية ، هو المورد الو حيدالذي لا غنى عنه والغير قابل للتعويض..انت محتاج الوقت عشان تجني الموارد التانية اللي ذكرناها، محتاج وقت عشان  تتعلم وعشان تجني ربح أو فلوس حتى عشان تحافظ على صحتك أو تتعافى من اي مرض أو عشان تكتسب علاقات، انت محتاج وقت

الوقت هو المورد الوحيد الذي لا يمكن حفظه أو إدخاره ، ولا يمكن استرداده بمجرد فقدانه. كل حاجه محتاج تعملها  تتطلب وقت، وكل ما استخدمت وقتك بشكل أفضل ، كل ما أنجزت المزيد ، وكل ما زادت نجاحاتك وإنجازاتك.

إدارة الوقت أمر أساسي لتحقيق أقصى قدر من الصحة والفعالية الشخصية. الدرجة اللي هتشعر بها في التحكم بوقتك وحياتك هي محدد رئيسي لمستوى السلام الداخلي والانسجام والتعافي العقلي 

وعلى العكس الشعور بأنك “خارج عن السيطرة” على وقتك هو المصدر الرئيسي للتوتر والقلق والاكتئاب

باستخدام الطرق العملية اللي هنتكلم عنها في الدورة دي ممكن تلاقي نفسك قدرت تحقق ضعف انتاجك اليومي حتى لو استغليت بس ساعتين من يومك بالتركيز والترتيب المطلوب،وهتحقق انجازات كتير كانت متأجلة

وإدارة الوقت هي مهارة قابلة للتعليم والتطوير ، وبالتالي هتقدر يوم ورا يوم تبقى قادرعلى إدارة وقتك لو عرفت الأساليب والأدوات المناسبة لكده 

وهو ده اللي هنتعلمه في باقي الدورة